News - Archiv 2013

Weihnacht - / Neujahrsferien 2012 / 13

Vell Schiclübler send am Mittwoch, 26.12.12 of Elm gange. Fasch alli send eres Bett go reserviere, well äu da Johr het mer gwösst das s Huus fasch vou esh.

Trotz schlächtem Wätterbrecht send d Secht ond d Pischte einigermasse guet gsii. E de Mongge-Hötte send 2 Tesch ab 11.30 Uhr ond em Älpli esh s ganze WC-Stöbli ab 14.00 Uhr reserviert gsii. De Tag esh shnell verbi gsii ond sho hets Znacht ge. Heisse Fleischchäs ond Härdöpfelsalot. Vom 7ni bes am 10ni hett no Nachtschlettle Stattgfonde, allerdengs nor met 4 "Schiclubchend". Es esh zwar loschtig gsii aber äu extrem iisig. Mer hett chuum chönne brämse. A dem Obe send 34 Bett bsezt gsi.

S Wätter het sech öber d Nacht ned veränderet. A dem Tag send no wiiteri 14 Persone agreisst, onteranderem 2 einehalb Jährigi ond 2 drüü Jährigi. Vor em Znacht (Früelingsrolle ond Stroganoff vom Köbi ond sim Chochiteam) send di meiste no es Karusell... Ab Fritignomitag hemmr Traumwätter gha ond Lüüt hets au noni vell gha dorom het de Schiclub sini Carvingschwöng so rechtig chönne gnüsse. Aber äu a dem Tag esh Älpli agseit gsii. Zobe esh s Chochiteam vom Thomas G., Cocco ond Roland a de Rheie gsii. Sie hend wie di letschte Paar Johr Piccata ond Spaghetti met Tomatesosse chochet.

Nach einish Schlettle semmr e Gizihemmu, det hämmr einish gnaglet ond 1 troncke ond de esh äu sho wedr haubi 10ni gsii ond mer händ of s Gondeli müesse. Es esh aber no fash niemer müed gsii. Di letschte send am 3 am morge es Bett. Am nächste Morge send alle beziite ufgstande, hett sech äu gloont well ab de 10ne sendz bem sächsersässu sho bes wiit henders Drehchrüz agstande. A dem Tag send wedr es Paar abgreist. Zobe hetts Älplermagrone met Öpfumues ghe. Nachdem händ wedr es Paar de Gitzihemmu ond s Karusell bsuecht. Vell send müed gsii ond send am 11i es Bett. Am 30.12.12 esh wedr för es Paar packe agseit gsii. Nome 7 send öbere Silvester det blobe ond fire em Älpli.

Corina Walti

PS: De Köbi het emmr gseit: "ICH säge wenn fertig esh!!" :P

zu den Bildern